កាស៊ីណូ Casino Hotel Hero 777 ក្បែរច្រកទ្វារព្រំដែនអន្តរជាតិបន្ទាយចក្រី បើកអោយពលរដ្ឋខ្មែរនិងជនជាតិវៀតណាមឆ្លងដែនខ្លះមាន ប៉ាស្ព័រខ្លះអត់ប៉ាស្ព័រចេញចូលលេងល្បែងស៊ីសងយ៉ាងគគ្រឹកគគ្រេង មិនគួរឯកឧត្តម សួន សុម៉ាលីន អភិបាលខេត្តព្រៃវែងនិងលោកឧត្តមសេនីយ៍ទោ ឈឿន ប៊ុនឆន ស្នងការខេត្តព្រៃវែងមើលរំលង.!
.jpg)
ព្រៃវែង៖ ប្រភពប្រជាពលរដ្ឋរស់នៅតំបន់មាត់ច្រកទ្វារព្រំដែនអន្តរជាតិ បន្ទាយចក្រី ស្ថិតក្នុងឃុំបន្ទាយចក្រី ស្រុកព្រះស្តេច ខេត្តព្រៃវែង ដើម្បីចង់ដឹង ការពិតពីសេចក្តីរាយការណ៍ព័ត៌មានរបស់ប្រជាពលរដ្ឋរស់នៅតាមខ្សែរបន្ទាត់ព្រំដែន កម្ពុជា-វៀតណាមនៃច្រកទ្វារព្រំដែនអន្តរជាតិ បន្ទាយចក្រី ក្នុងស្រុកព្រះស្តេច ខេត្តព្រៃវែងស្តីពី សកម្មភាពរបស់ក្រុមអ្នកញៀនល្បែងស៊ីសងគ្រប់ប្រភេទ ពិសេសល្បែងជល់មាន់ នៅក្នុង កាស៊ីណូ Hotel Hero 777 បាននឹងកំពុងនាំគ្នាចូលលេងល្បែង ស៊ីសងក្នុងកាស៊ីណូ 777 ជារៀងរាល់ថ្ងៃយ៉ាងគគ្រឹកគគ្រេង ឮសម្លេងហ៊ោរកញ្ជ្រៀវទ្រហឹង អឺងកង ។
ករណីនេះគឺមានពិតប្រាកដ ដូច សេចក្តីរាយការព័ត៌មានរបស់ប្រជាពលរដ្ឋផ្ដល់មែន នៅពេលដែលក្រុមការងារបានចុះដល់បានថតយកសកម្មភាព ជាក់ស្តែងរបស់ក្រុមអ្នកញៀនល្បែងជល់មាន់បាន នាំគ្នាដឹកជញ្ជូនមាន់ជល់ តាមម៉ូតូ និង តាមរថយន្តស៊េរីទំនើបៗជិះចូល ទៅឈប់ចតទុកខាងក្នុងបរិវេណកាស៊ីណូ 777 និងកាស៊ីណូ១ កន្លែងទៀត ដែលគ្មានស្លាកឈ្មោះមានទីតាំងនៅក្បែរគ្នា ។
សូមបញ្ជាក់ថា:ទីតាំងកាស៊ីណូទាំង២នេះ មានកម្លាំងសន្តិសុខ យាមកាមតឹងតែងបំផុត មនុស្ស ចេញ- ចូលបានទាល់តែក្រុមអ្នកលេងល្បែងស៊ីសងដែលគេបាន ស្គាល់ច្បាស់លាស់ បើមិនស្គាល់ ច្បាស់លាស់នោះទេក្រុមសន្តិសុខចាំយាមនៅទីនោះមិន អនុញ្ញាតិអោយចូលជាដាច់ខាត ជាពិសេសក្រុមអ្នកកាសែត តែម្តង ។ ប្រជាពលរដ្ឋរស់នៅក្បែរកាស៊ីណូ 777 បានប្រាប់ថា ជារៀងរាល់ថ្ងៃ អ្នកចូលមកលេងល្បែងស៊ីសង មាន់ជល់និងល្បែងជាច្រើនប្រភេទទៀតមានរាប់រយនាក់ មានទាំងពលរដ្ឋខ្មែរ និងពលរដ្ឋវៀតណាម គេមិនដឹងថា : ពលរដ្ឋវៀតណាមទាំងនោះមានលិខិតឆ្លង ដែនគ្រប់គ្នាដែរឬអត់នោះទេ ? ប៉ុន្តែពួកអ្នកក្រុមញៀនល្បែងមាន់ជល់ទាំងនោះ អាចចេញ-ចូល ក្នុងកាស៊ីណូ ដោយសេរី រាល់ថ្ងៃ ។
ប្រភពពីអ្នកមើលការខុសត្រូវម្នាក់ សុំមិនបញ្ចេញឈ្មោះ បានបញ្ជាក់ថាថៅកែធំទទួលខុសត្រូវក្នុងកាស៊ីណូ 777នេះជាមន្ត្រីយោធាជាន់ ខ្ពស់មានខ្សែស្រឡាយឧបនាយករដ្ឋមន្ត្រី នៅក្រសួងការពារជាតិជាអ្នករ៉ាប់រងលើការចំណាយកញ្ចប់ឧបត្ថម្ភសែនព្រេនជាប្រចាំខែ ដល់អ្នកតាម្ចាស់ទឹកដីនៃខេត្តព្រៃវែង ចាប់ពីថ្នាក់លើរហូតដល់ថ្នាក់ក្រោមគ្រប់សមត្ថកិច្ចពាក់ព័ន្ធទាំងអស់ ទើបគេអាចបើកដំណើរការបានដោយរលូន គ្មានការរំខានពីអាជ្ញាធរ និងសមត្ថកិច្ចណានោះទេ? ។ ប្រភពពីក្រុមសន្តិសុខប្រាប់ថា បើសិន ជាអ្នក កាសែត ចុះមកសំរាប់រកថ្លៃបាយ ទឹក ឬសាំងឡានវិញសូម រងចាំនៅខាងក្រៅសិនទៅ? ចាំគេទាក់ទងអ្នកមើលការខុសត្រូវនៅខាងក្នុងយកមកអោយ ។
ថៅកែធំ ឬអ្នកទទួលខុសត្រូវ ក្នុងកាស៊ីណូ 777 បានឧបត្ថម្ភប្រាក់ តាមរយ: QR cod វេរលុយ និងទទួលលុយ សែនព្រេន ប្រភពខ្លះទៀតខ្សឹបខ្សៀវថាចំពោះអ្នកតាម្ចាស់ទឹកដីនៃខេត្តព្រៃវែង ក្នុង១ខែរហូតដល់៥ពាន់ដុល្លារអាមេរិក ជាថ្នូរ នៃការមិនចុះចាប់បង្ក្រាប ? ឬមិនហាម ឃាត់ពលរដ្ឋខ្មែរ មិនអោយចូលលេងល្បែងស៊ីសងក្នុងកាស៊ីណូ777 នេះ និងកាស៊ីណូ១ទៀតនៅក្បែរនោះ ? ។ ក្នុង ១ថ្ងៃៗគេបើកជល់មាន់ ចាក់ភ្នាល់រាប់សិបគូរ ក្នុង១គូរៗចាក់ភ្នាល់ស៊ីសងចាញ់ឈ្នះ រាប់សិបលានរៀល និងរាប់ពាន់ រាប់លានដុល្លារ ក្នងមួយថ្ងៃ ៗ។ ធ្វើអោយប្រជាពលរដ្ឋរស់នៅក្នុងមូលដ្ឋានខាងលើមានការព្រួយបារម្ភភ័យខ្លាចបញ្ហាអសន្តិសុខ សង្គមនិងអំពើចោរកម្មចោរលួចចោរឆក់ចោរប្លន់ចោរគាស់ផ្ទះគ្រឿងញៀននិងប្រើអំពើហិង្សាគ្រួសារជាដើមចមកើតចេញល្បែងស៊ីសងនេះឯង។
បញ្ហានេះទើបប្រជាពលរដ្ឋរស់នៅក្នុងមូលដ្ឋានសូមអំពាវនាវដល់ឯកឧត្តម សួន សុម៉ាលីន អភិបាលនៃគណៈអភិបាលខេត្តព្រៃវែងនិងលោកឧត្តមសេនីយ៍ទោ ឈឿន ប៊ុនឆន ស្នងការដ្ឋាននគរ បាលខេត្តព្រៃវែងរួមនិងលោកឧត្តមសេនីយ៍ត្រី ឈួន គឹមសាន មេបញ្ជាការកងរាជអាវុធហត្ថខេត្តព្រៃវែងមេត្តាជួយចាត់កម្លាំងក្រោមឱវាទចុះពិនិត្យទប់ស្កាត់និងបង្ក្រាបសង្វៀនខាងលើអោយមានប្រសិទ្ធភាពស្របតាមគោនយោបាយភូមិ ឃុំ សង្កាត់ មានសុវត្ថិភាពទាំង៧ចំណុចដែលរាជរដ្ឋាភិបាលបានដាក់ចេញដោយក្រសួងមហាផ្ទៃដើម្បីពង្រឹងរក្សាសន្តិសុខសុវត្ថិភាពសណ្តាប់ធ្នាប់ សង្គមជូនប្រជាពលរដ្ឋ៕
