លោក ឆេង សារិនមេគយច្រកទ្វារព្រំដែនតំបន់ដូងឲ្យនាំយកចូលនៅទំនិញគ្រប់មុខ បង់ពន្ធ មិនគ្រប់ចំនួន..!.នាំគ្នាប្រព្រឹត្តអំពើពុករលួយតាមអំពើចិត្តមិនញញើតអង្គភាពប្រឆាំងអំពើពុករលួយសោះ..!!
បើតាមប្រភពដែលស្និទ្ធនឹងលោក ឆេង សារិន ប្រធានការិយាល័យគយច្រកទ្វារតំបន់ព្រំដែនដូង ស្រុករមាសហែក បានខ្សឹមឲ្យដឹងថា ការដែលលោក ឆេង សារិន ហ៊ានធ្វើអ្វីតាមតែអំពើចិត្តនេះ គឺដោយសារមានការបើកដៃពីសំណាក់ មេគយធំៗ ខាងលើ ដែលល្បីល្បាញខាងអំពើពុករលួយផងដែរ។
បើគ្មានការបើកដៃពីមេគយពុករលួយធំៗ ខាងលើ នេះទេ គឺលោក ឆេង សារិន ប្រធានការិយាល័យគយច្រកទ្វារព្រំដែនតំបន់ដូង មិនហ៊ានបើកដៃឲ្យឈ្មួញវៀតណាម នាំចូលទំនិញតាមច្រកនេះយ៉ាងពេញបន្ទុកឡើយ ទល់តែមានការបើកដៃពីពួកមេគយធំៗ នេះផងដែរទើបអ្វីៗ អាចប្រព្រឹត្តទៅដោយរលូន..។ សង្ឃឹមថា លោក គុណ ញឹម អគ្គនាយកគយ និងលោក អូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ ត្រូវធ្វើការស្រាវជ្រាវ ពិនិត្យឡើងវិញជាបន្ទាន់ ព្រោះលោក មេគយធំៗ ខាងលើ កំពុងបណ្តោយឲ្យលោក ឆេង សារិន មេគយច្រកទ្វារព្រំដែនតំបន់ដូង ធ្វើអ្វីៗតាមតែអំពើចិត្ត ។
ប្រភពពីមន្ត្រីនៅច្រកទ្វារព្រំដែនតំបន់ដូង ស្រុករមាសហែក ខេត្តស្វាយរៀង បានឲ្យដឹងថា បច្ចុប្បន្ននេះក្រុមឈ្មួញ វៀតណាមសម្រុកនាំទំនិញជាច្រើនប្រភេទចូលទឹកដីកម្ពជាតាមច្រកទ្វារព្រំដែនតំបន់ដូង យ៉ាងពេញបន្ទុកដោយមានការបើកដៃពីមន្ត្រីគយ នាយប៉ុស្តិ៍នគរបាលប្រចាំច្រកនេះ ។ ចំណែកក្រុមឈ្មួញកម្ពជាឬប្រជាពលរដ្ឋខ្មែរមិនត្រូវបានអនុញ្ញាតឲ្យនាំទំនិញនិងកសិផលផ្សេងៗចូលទៅស្រុកយួននោះទេ.! ដោយភាគីយួន មានការរឹតបន្តឹងយ៉ាងខ្លាំងខុសពីភាគីកម្ពជាដែលតែងតែបើកបារ៉ាស់ឲ្យមេឈ្មួញយួនដឹកទំនិញបានយ៉ាងរលូន..
លោក ឆេង សារិន ប្រធានការិយាល័យគយប្រចាំច្រកព្រំដែនតំបន់ដូង ប្រចាំច្រកនេះ ប្រមូលលុយបានយ៉ាងច្រើនពីក្រុមឈ្មួញ វៀតណាម ដែលដឹកជញ្ជូនទំនិញចូលទឹកដីកម្ពជាយ៉ាងច្រើន បង់ពន្ធគយមិនគ្រប់ចំនួន..! ហើយជាទំនិញគេចពន្ធ និងទំនិញក្លែងក្លាយខុសច្បាប់ថែមទៀត..!!
នៅតាមច្រកមន្ត្រីទ្វារព្រំដែនតំបន់ដូង បានប្រាប់ឲ្យដឹងទៀតថា ទំនិញដែលឈ្មួញយួននាំចូលច្រកនេះ មានដូចជាដែកលួសក្រឡាភ្នែកក្រួច តុ ទូ កៅអីជ័រ ទុយោទឹក គ្រឿងសំណង់ ម៉ូទ័រ ពូក សំបកកង់ម៉ូតូ និងទំនិញជាច្រើនប្រភេទទៀតដឹកតាមរថយន្តឬរ៉ឺម៉កម៉ូតូ។
ក្នុងមួយថ្ងៃៗ មេឈ្មួញដឹកទំនិញវៀតណាម នាំចូលទំនិញយ៉ាងគគ្រឹកគគ្រេងហើយរថយន្តដឹកទំនិញធំៗ ភាគច្រើនផ្ទុកលើសទម្ងន់ដោយធ្វើឲ្យផ្លូវកៅស៊ូដែលទើបស្ថាបនាថ្មី នៅច្រកព្រំដែនតំបន់ដូង ទៀតផងហើយគ្មានស្ថាប័នណាមួយមកធ្វើការត្រួតពិនិត្យឲ្យបានត្រឹមត្រូវនោះទេ។
ទឹកដីកម្ពជាមានមន្រី្តគយ និងសមត្ថកិច្ចពាក់ព័ន្ធដាក់ប៉ុស្តិ៍ត្រួតពិនិត្យច្រើនកន្លែងចាំយកលុយពីឈ្មួញយួនដោយក្រៅពីយកព័ន្ធ គឺកំណត់យកលុយថ្លៃបាយលើតុក្រោមតុទៀតផង.! ទើបមេឈ្មួញវៀតណាម អាចនាំទំនិញឆ្លងដែនមកទឹកដីកម្ពជាបានយ៉ាងរលូន..! សារព័ត៏មានយើងនៅរង់ចាំការបំភ្លឺរៀងរាល់ម៉ោងធ្វើការ..!
