លោក រស់ ភឿន មេប៉ុស្តិ៍នគរបាលការពារពព្រំដែនសំយ៉ោង កាន់តំណែងដុះស្លែ ជាអ្នកមានសិទ្ធិអំណាចបើកដៃឲឲ្យក្រុមឈ្មួញដឹកទំនិញគេចពន្ធ ឆ្លងដែនទៅវៀតណាមតាមរថយន្តធុនធំយ៉ាងគំហុកទាំងយប់ទាំងថ្ងៃអាងខ្នងស្នងការខេត្ត?
.jpg)
ប្រភពពីអាជីវករក៍ដូចជាក្រុមឈ្មួញ បានបញ្ជាក់ថា រថយន្តធុនធំយីឌុបប្រភេទវ៉េអង ដឹកទំនិញលើសទ្រុងសង្ស័យជាទំនិញគេចពន្ធ នៅជិតចំណុចខ្សែបន្ទាត់ព្រំដែន ហើយផ្ទេរទំនិញដាក់ក្នុងឃ្លាំងស្តុកទំនិញ នៅជិតប៉ុស្តិ៍នគបាលវរៈការពារព្រំដែនច្រករបៀងសំយ៉ោង ហើយរថយន្តឈ្មួញវៀតណាមឆ្លងដែនមកដឹកទៅប្រទេសវៀតណាម យ៉ាងរលូន សមត្ថកិច្ចពាក់ព័ន្ធច្រកនេះមិនទាន់ទប់ស្កាត់បានត្រឹមត្រូវនោះទេ។
មួយរយៈ ចុង ក្រោយ ឈ្មួញសម្រុកដឹកជញ្ជូនទំនិញគេចពន្ធឆ្លងដែនទៅវៀតណាម ចាប់ពីដើមខែវិច្ឆិការ រហូតដល់បច្ចុប្បន្ន នៅចំណុចប៉ុស្តិ៍វរៈការពារព្រំដែនចច្រករបៀងសំយ៉ាងពេញបន្ទុក ស្ថិតនៅភូមិសំយ៉ោង ឃុំសំយ៉ោង ស្រុកកំពង់រោទិ៍ ខេត្តស្វាយរៀង រីឯលោក រស់ ភឿន មេប៉ុស្តិ៍ជាអ្នកបេីកភ្លើងខៀវ ទេីបពួកឈ្មួញហ៊ានធ្វេីអ្វីៗ តាមអំពើចិត្ត។
អាជីវករក៍ដូចជាប្រជាពលរដ្ឋ ក្នុងភូមិសំយ៉ោង បានឲ្យដឹងថា មានរថយន្តយីឌុបធុនយក្ស ជាច្រើនគ្រឿងនិងរថយន្តទ្រុងបិទជិត សង្ស័យដឹកទំនិញគេចពន្ធ បានមកផ្ទេរដាក់ក្នុងឃ្លាំងនៅជិតប៉ុស្ត៍ច្រករបៀងព្រំដែនសំយ៉ោង ក្នុងមួយថ្ងៃៗ ចាប់ពី០៥ ទៅ ០៦គ្រឿង ហើយក្នុងមួយខែមិនក្រោមពី ១៥០គ្រឿងនោះទេ សង្ស័យជាទំនិញគិចពន្ធ រួមមាន ស្ករស ក្រណាត់ ខោអាវគីប និងទំនិញជាច្រើនមុខផ្សេងទៀតគេបង្កប់ខាងក្នុងទៃបិទជិតហើយបើកចូលក្នុងឃ្លាំងបិទទ្វារបង រួចផ្ទេរដាក់ចូលរថយន្តឈ្មួញវៀតណាម និងត្រាក់ទ័រវៀតណាម ដឹកចូលទៅក្នុងប្រទេសវៀតណាមយ៉ាងសុខស្រួលបំផុត។
តាមប្រជាពលរដ្ឋក៍ដូចជាអាជីវករ នៅជិតខ្សែបន្ទាត់ព្រំដែន បានបញ្ជាក់ឲ្យដឹងទៀតថា ឡានដឹកទំនិញចំណុះ៤៥តោន ទៅ ៥០តោន ចូលចតផ្ទេរទំនិញនៅច្រករបៀងសំយ៉ោង បន្ទាប់មកក៏មានរថយន្តវៀតណាម និងត្រាក់ទ័រសណ្តោងរ៉ឺម៉ក មកផ្ទេរដឹកឆ្លងដែនចូលទៅវៀតណាម
យ៉ាងគគ្រឹកគគ្រេង ឮសូរសំឡេង ទ្រហឹងអឹងកងចាប់ពីម៉ោង៥:៣០នាទីល្ងាច រហូតដល់យប់កណ្តាលអាធ្រាត ដោយគ្មានសមត្ថកិច្ចជំនាញពាក់ព័ន្ធ ច្រករបៀងព្រំដែនសំយ៉ោង ហ៊ានប៉ះពាល់ ប្រហែលជាអាងខ្នងបង្អែករឹងមាំនៅស្នងការនគរបាលខេត្តស្វាយរៀងទេដឹង។
ហេតុនេះថ្នាក់ដឹកនាំក្រសួងមហាផ្ទៃ និងឯកឧត្ដម ប៉េង ពោធិ៍សា អភិបាលខេត្តស្វាយរៀង ព្រមទាំង លោកពេជ្រ វិរះ ស្នងការដ្ឋាននគរបាលខេត្តស្វាយរៀងមេត្តាត្រួតពិនិត្យឡេីងវិញខ្លះផង ចំពោះលោក រស់ ភឿន បណ្ដែតបណ្ដោយឲ្យក្រុមឈ្មួញនាំទំនិញគេចពន្ធឆ្លងដែនទៅវៀតណាមយ៉ាងពេញបន្ទុក មិនទាន់មានស្ថាប័នពាក់ព័ន្ធចុះទប់ស្កាត់ឡើយ។
