ល្បែងជល់មាន់បៀអាប៉ោងក្នុងកាស៊ីណូ ធីជីហ្គេនទីងង TG GENTING បើកលេងជារៀងរាល់ថ្ងៃឲ្យពលរដ្ឋខែ្មរនិងជនជាតិយួនចូលលេងដោយសេរី
ប្រភពពីប្រជាពលរដ្ឋភូមិឡាប៉ាខេ ឃុំស្រែខ្ទុម ស្រុកកែវសីមា បានឲ្យដឹងថា ម្ចាស់កាស៊ីណូ មានយីហោធីជីហ្គេនទីង បើកឲ្យពលរដ្ឋខ្មែរនិងជនជាតិយួនចូលលេងល្បែងជល់មាន់, បៀរ, អាប៉ោង ដោយសេរី ប្រហែលជាមានខ្នងបង្អែករឹងមាំនៅពីក្រោយ ទើបអាជ្ញាធរពាក់ព័ន្ធក្នុងមូលដ្ឋាន និងសមត្ថកិច្ចថ្នាក់ស្រុកកែវសីមា មិនប៉ះពាល់ឡើយ។
ពលរដ្ឋរស់នៅភូមិឡាប៉ាខេ ឃុំស្រែខ្ទុម បានរិះគន់ លោក ង៉ាន់ សារ៉ាវុធ ប្រធានច្រកទ្វារទ្វេភាគី ឡាប៉ាខេជាអ្នកបើកភ្លើងខៀវ ទើបពលរដ្ឋខ្មែរនិងជន ជាតិយួនចូលលេងល្បែងជល់មាន់ បៀ អាប៉ោង តាម អំពើចិត្តជារៀងរាល់ថ្ងៃ។
ប្រភពបានឲ្យដឹងថា លោក ង៉ាន់ សារ៉ាវុធ ប្រធានច្រកទ្វារទ្វេភាគី«ឡាប៉ាខេ» ក្នុងភូមិឡាប៉ាខេ ឃុំស្រែខ្ទុម ស្រុកកែវសីមា បើកច្រកព្រំដែនឲ្យជនជាតិវៀតណាមចូលដោយសេរី។ ក្រៅពីបានលាភសក្ការៈពីបណ្ដាជនវៀតណាមទាំងនោះប្រធានច្រកព្រំដែននេះក៏បានលាបសក្ការៈពីថៅកែកាស៊ីណូនៅច្រកនោះដែរ។ ការបើកច្រកឲ្យជនជាតិយួនញៀនល្បែង រាប់រយនាក់ឆ្លងចូលដីខ្មែរ ដូចគោហ្វូង មកលេងល្បែងស៊ីសង,ជល់មាន់ក្នុងកាស៊ីណូឈ្មោះ«ធីជីហ្គេនទីងTG GENTING» តាមទំនើងចិត្ត។
ប្រភពបន្តថា ក្នុងមួយថ្ងៃៗយួនរាប់រយនាក់ចូលដីខ្មែរមិនបាច់មានលិខិតឆ្លងដែនទេ ពួកគេមិនត្រឹមតែមកលេងជល់ មាន់ក្នុងកាស៊ីណូប៉ុណ្ណោះទេ ថែមទាំងសេពគ្រឿងញៀនក្នុងកាស៊ីណូទៀតផង។ ពលរដ្ឋរស់ នៅក្នុងភូមិឡាប៉ាខេ ឃុំស្រែខ្ទុម និយាយថា លោក ង៉ាន់ សារ៉ាវុធ ប្រធានច្រកទ្វារទ្វេភាគី «ឡាប៉ាខេ»និងលោក សាន គឹមអ៊ាប អភិបាលស្រុកកែវសីម៉ាព្រមទាំងលោកហេង អួង អធិការស្រុកកែវសីមា គ្រប់គ្រងព្រំដែនធូរលុងបំផុត បើកឲ្យជនជាតិយួនញៀនល្បែង ឆ្លងដែនចូលដីខ្មែរដោយដីខ្មែរដោយខុសច្បាប់ «ដូចគោហ្វូង » ។
ប្រភពដដែលលើកឡើងទៀតថា យួនៗចូលដីខ្មែរមក លេង កាស៊ីណូ«ធីជីហ្កេនទីង TG GENTING»ក្នុងភូមិ ឡាប៉ាខេ ឃុំស្រែខ្ទុម ស្រុកកែវសីម៉ា ខេត្តមណ្ឌលគិរី បានដោយសេរីមិនបាច់ប៉ាស្ព័រទេចេញចូលស្រួលៗ។ តែខ្មែរវិញ គ្មានសំណាងអាចចូលទៅស្រុកយួនវិញស្រួលៗដូចយួនចូលស្រុកខ្មែរឡើយ។ ភាពផ្ទុយគ្នានេះបណ្តាលមកពីអ្នកយាមព្រំដែនខ្មែរបន្ទន់ខ្លួន បន្ទាបបន្ថោកជាតិសាសន៍ខ្លួន មិនគោរពច្បាប់បើកឲ្យគេចូលធ្វើឲ្យសង្ស័យថាមន្ត្រីច្រកទ្វារឡាប៉ាខេអាចដោះដូរទទួល លាភសក្ការៈ ពីមេកាស៊ីណូយ៉ាងក្រាស់ក្រែលមិនខាន។ ម្យ៉ាងលោក ង៉ាន់ សារ៉ាវុធ ប្រធានច្រកទ្វាឡាប៉ាខេ ដែលថ្លើមធំហ៊ានបើកច្រកឲ្យយួនចូលល្មើសច្បាប់ ដូចគោហ្វូងបែបនោះ ក៏ដោយសារលោកថង សាវុន អភិបាលខេត្ត បណ្តែត បណ្តោយជ្រុលឬអាចកន្ទេលធំបន្លំដេកផងដែរ ឬក៏អាចបើកភ្លើងខៀវអោយប្រធានច្រកដែរ ទើបព្រំដែនហាក់ដាច់ខ្សែបែបនោះ? ។
ពលរដ្ឋរស់នៅទីរួមស្រុកកែវសីម៉ាលើកឡើងថារឿងបើកច្រក«ឡាប៉ាខេ»ឲ្យយួនចូលមកលែងល្បែងក្នុងដីខ្មែរដោយសេរីនេះវាមិនមែនជារឿងភាគីវៀតណាម បំពានព្រំដែនខ្មែរខ្មោចយក៍អ្វីនោះទេ។ បើតាមពួកគាត់ដឹងរដ្ឋាភិបាល វៀតណាម គេមិនចង់ឃើញពលរដ្ឋគេ ចូលមកប្រព្រឹត្តល្បែង ស៊ីសងក្នុងប្រទេសខ្មែរ ហើយការពារបទល្មើសដោយអាជ្ញាធរថែមទៀតនោះទេ ច្បាប់របស់គេហាមលេងល្បែងខុសច្បាប់និងហាមការជួញគ្រឿង ញៀនយ៉ាងតឹងតែងណាស់។ ហេតុនេះ ទើបមានមន្ត្រីខ្មែរមួយចំនួន ឃុបឃិតគ្នា បើកច្រកទ្វារសេរី ទើបបើកកាស៊ីណូលេងល្បែងល្មើសច្បាប់ ។ទាំងនេះគឺជាមារយាទអន់របស់អ្នកគ្រប់គ្រងព្រំដែនខ្មែរ!
